Det er viktig å vere medviten om kva som faktisk er designbehovet ditt, og å vere budd på at prosessen er eit tett samarbeid mellom deg og designbyrået. Saman må de utarbeide ei skildring av behovet og ein kravspesifikasjon for oppgåva designaren skal løyse. Dette blir kalla ein designbrief.
Vi samarbeider tett med Norsk Designråd, og saman tilbyr vi rådgjevingstenester tilpassa kvar einskild bedrift. På Designbasen.no har vi samla dei viktigaste verktøya for deg som planlegg eit designprosjekt.
Vi rår deg til å starte der, både for å finne ut korleis du går fram, korleis du brukar design som verkemiddel og ikkje minst for å unngå feil i designprosjektet.
Lukke til med prosjektet ditt.