Reiseliv

 

Innovasjon Norge si satsing på reiseliv
Vårt fylkeskontor tilbyr ulike tenester til reiselivsnæringa ved etablering av nye bedrifter og utvikling i og mellom reiselivsbedrifter i fylket. Våre tenester med finansiering, rådgjeving, nettverk og kompetanse skal bidra til utvikling innanfor vår satsing på kultur, mat og reiseliv.

Vår reiselivsavdeling i Oslo jobbar med profilering av Norge som reisemål, med både nasjonale og internasjonale marknadskampanjar. Mykje av dette arbeidet koordinerast i samarbeid med våre utekontor i meir enn 30 land.

 

Utfordringar og moglegheiter
Etter fleire år med auka trafikk ventar vi ei tid med motkonjunktur og auka konkurranse i næringa. Utfordringane er mange i ei fragmentert næring, med mange ulike aktørar og små einingar. Korte sesongar, låg lønsemd, utfordrande infrastruktur, varierande kompetansenivå, få profesjonelle salsledd av ferdigpakka opplevingsprodukt, varierande kvalitet og høgt prisnivå, dårleg tilgjengelegheit og manglande synlegheit av det stadsunike og særeigne, er stikkord på utfordringane vi står framfor.

 

Samtidig har Sogn og Fjordane heile spekteret for fokuset i profileringa av Norge som reisemål, med fjord, fjell, kyst og naturbaserte opplevingar.

Mål om auka verdiskaping og lønsemd
Auka samarbeid og samordning for heilskaplege opplevingsprodukt, kompetansetiltak for auka profesjonalisering, kommersialisering og distribusjon skal styrke konkurranseevna til reiselivsnæringa i fylket.

 

Nasjonal reiselivsstrategi skildrar regjeringa sine tre hovudmål med bærekraftig utvikling, innovasjon og heilårlege arbeidsplassar. Innsatsområda er mellom anna kompetanseheving, samarbeid, kvalitet og heilskaplege opplevingar.

 

I tillegg har Innovasjon Norge overordna innsatsområde på innovasjonsmiljø som Norwegian Center of Expertice (NCE) for reiselivet i regi av Fjord Norge, vekst i etablerte verksemder og entreprenørskap i næringa.

 

Reiselivsplan for Sogn og Fjordane er under utarbeiding på oppdrag av fylkeskommunen, og forventast ferdigstilt i 2010.

 

Leiarmentor Reiseliv 2010/2011

Reisemålsutvikling

 

 

Kompetanseprogram for reiselivet

Marknadsservice, Innhenting av marknadsinformasjon 
 

 

Kulturelle opplevingar og lokale mattradisjonar
Eit variert kulturtilbod der vi bur gjev oss auka livskvalitet, og besøkjande meir autentiske opplevingar av reisemålet.

Stadsunike kulturopplevingar er noko som gjev den besøkjande heilskaplege og gode opplevingar, i tillegg til naturopplevingar og godt vertskap. Ønskjer du å kommersialisere ditt kulturtilbod kan du sjå om vårt tilbod for kulturnæringa.

 

Mat utgjer ein viktig del av turistopplevinga, og er ein vesentleg del av staden sin kulturhistorie. Vi ynskjer ein auka innsats på mangfaldet i lokalprodusert kvalitetsmat for å kunne tilby betre reiselivsprodukt og få auka verdiskaping hjå lokale matprodusentar.

 

NCE Tourism Fjord Norway
Fjord Norge er tildelt status som Norwegian Centre of Expertise. NCE Tourism Fjord Norway skal gjennom 10 år gjere Fjord Norge regionen verdsleiande innan tematurisme.  Les meir om NCE Tourism Fjord Norway.