Bioenergi i landbruket
Føremålet er å stimulere jord- og skogbrukarar til å produsere, bruke og levere bioenergi i form av brensel eller ferdig varme. Målgruppa er bønder, skogeigarar og veksthusnæringa.
Vi tilbyr investeringsstøtte til anlegg som blir bygde for varmesal, gardsvarmeanlegg, veksthus og biogass. Det blir ikkje gjeve støtte til kjøp av brukt utstyr.
Det blir gjeve støtte til utgreiings- og kompetansetiltak til konsulenthjelp til forstudiar, forprosjekt og utgreiingar, og til kompetanse- og informasjonstiltak.
Vi kan gje opp til 35 prosent støtte til investering og 50 prosent til utgreiings- og kompetansetiltak (sjå bioenergiprogrammet sine retningslinjer forbeløpsgrenser).
Du bør lese rettleiinga under før du søkjer.
Vi handsamar søknader fortløpande, og har difor ingen søknadsfrist.
Vi oppfordrar kvinner om å søkje.