I samband med årets Internationale Grüne Woche i Berlin mottok Haaheim Gaard frå Hordaland prisen på ambassaden.
Foto ved Christian T. Jørgensen / EUP-Berlin.com
I talen trekte Brekk fram at Haaheim Gaard er ein verdig vinnar og god representant for den spennande kreativiteten og nyskapinga som skjer innan og i tilknytning til landbruket.
Ifølge Brekk ser vinnaren muligheiter og har ein god porsjon pågangsvilje. I samspel med andre har det lukkast i å utvikle ei lovande bedrift.
Innehavar Torstein Hatlevik takka på si side for den store æra det er å vinna prisen, og trekte fram det gode samspelet med Innovasjon Norge som ei av årsakene til at ein har lukkast.
Kvalitetsmat, kultur og opplevingar
Haaheim Gaard på Tysnes driv gardsrestaurant med fokus på kvalitets- og gourmetmat og sesongmessige opplevingar og arrangement for både barn og vaksne.
Serveringsverksemda baserer seg så langt råd er på lokale råvarer, i tillegg er det vigsla rosehage og interiørbutikk.
Hatlevik har 6 års musikkutdanning frå konservatoriet Royal Northern College of Music, og byr saman med det lokale kulturlivet på kulturopplevingar av høg klasse i vakre omgjevnader.
Hard konkurranse
BU-prisen vert delt ut til personar eller bedrifter som har etablert ei vellukka bedrift med basis i landbrukets eller bygdenes ressursar, og vart innstifta i for å synleggjere vellukka nærings- og forretningsutvikling i og i tilknytning til landbruket, samt å vera ein inspirasjon for andre.
Det vert kåra ein vinnar i kvart fylke, som så konkurerer om den nasjonale prisen. Tre fylkesvinnarar vart nominert og invitert til Berlin og den store finalen, ved sidan av Haaheim Gaard var det Toten eggpakkeri frå Oppland og Aarholttunet gjestegård og leirskole frå Vestfold.