Hopp til hovedinnhold
  • EN
  • Min side

    • Bedriftsutviklingsprisen i landbruket 2013

    Statsråd Sylvi Listhaug og konstituert administrerande direktør i Innovasjon Norge, Finn Kristian Aamodt overrekker BU-prisen til Moer gård og Norwegian AntibodiesFoto: Innovasjon Norge
    Statsråd Sylvi Listhaug og konstituert administrerande direktør i Innovasjon Norge, Finn Kristian Aamodt stod for den høgtidlege overrekkinga av prisen på 250 000 kroner under ei tilstelling i ambassaden i Berlin i samband med Internationale Grüne Woche. 
    Moer gård og Norwegian Antibodies AS frå Ås i Akershus er den store vinnaren av den nasjonale bygdeutviklingsprisen (BU-prisen) til Innovasjon Norge for 2013.

    Moer gård og Norwegian Antibodies AS er verdige vinnar av den nasjonale bygdeutviklingsprisen, sa Finn Kristian Aamodt i talen sin under utdelinga, og la til at dei også er gode representantar for nyskapinga og den spennande kreativiteten som skjer innan og i tilknyting til landbruket.

    Årets konkurranse har vore hard, og Moer gård og Norwegian Antibodies AS vann i tøff konkurranse med Balke gård frå Oppland og «Inn på tunet garden» Angedal gard frå Sogn og Fjordane.

    Høner, egg og antistoff

    Moer gård er eigd av Ole Egge, og driv stort innan konsumeggproduksjon, samt kornproduksjon og skogsdrift. I tillegg vert det drive antistoff­produksjon på høner. Saman med veterinær Øystein Larsen og forskar Erling H. Sundrehagen har han etablert Norwegian Antibodies AS.

    Norwegian Antibodies AS er ei bioteknologisk be

    drift og verdas største produsent av antistoff frå eggeplommen frå høner. Norsk dyrehelse i verdsklasse, kompetanse og teknologi er viktige konkuransefortrinn.

    Internasjonal verksemd

    Produksjonen skjer på bestilling etter spesifikke krav. Kundar er bioteknologiske produsentar og forskingsmiljø i EU, USA og Kina. Blant anna så har graviditetstestar i Kina og nyreprøvar på Karolinska sjukehuset i Stockholm det til felles at dei begge nyttar antistoff frå Moer gård og Norwegian Antibodies AS.

    Avansert FoU

    I alle bransjar må det stadig fornying til for å oppretthalde marknadsposisjon og inntening, og det gjeld i høgste grad også for Moer gård og Norwegian Antibodies AS. Med utgangspunkt i høgkostlandet Noreg må ein heile tida vere på offensiven med forsking og produktutvikling. Forskingsstøtte frå EU skulle borge for kvalitet og innovasjon i dette arbeidet.

    Fylkesvinnarar 2014

    Østfold: Vom og hundemat AS, 1860 Trøgstad - hundefor

    Akershus: Grøndalen gård, 1929 Auli - mjølke- og osteproduksjon

    Oslo: Skjerven Gård, 0890 Oslo - kornproduksjon og husdyr

    Hedmark: Kvistli gård, 2584 Dalholen - rideferie

    Oppland: Brimi Gard & Sæter AS, 2685 Garmo - lokalmat og reiseliv

    Buskerud: Søndre Bjerkerud Gård, 3535 Krødern - bringebærproduksjon

    Vestfold: Skjærgården Gartneri, 3179 Åsgårdstrand - gartneri

    Telemark: Nyhuus Gard, 3810 Gvarv - foredling av frukt, kunstgalleri, design

    Aust-Agder: Kjerlingland Hest- og aktivitetsgård AS, 4790 Lillesand - Inn på tunet

    Vest-Agder: Mydland Gard, 4595 Tingvatn - Hjorteoppdrett

    Rogaland: Hanasand gård og kjøkken AS og Hanasand gård og gartneri, 4150 RENNESØY - produksjon og foredling av tomat, gardskafe og gardsbutikk

    Hordaland: Strilalam SA, 5357 Fjell - foredling av lammekjøtt

    Sogn og Fjordane: Haugen Gardsmat, 5743 Flåm - lokalmat

    Møre og Romsdal: Gjøra Bygdeutvikling, 6613 Gjøra - bygdemobilisering

    Sør-Trøndelag: Rørosmat SA, 7374 Røros - lokalmat

    Nord-Trøndelag: Sæter gard, 7609 Levanger - kjøtt- og grønsaks¬produksjon, kurs- og selskapsverksemd

    Nordland: Storteian gård, 8050 Tverlandet - mjølk, sau, grønsaker, blomster og gardsbutikk

    Troms: Trollsteien Gård, 9130 Hansnes - Inn på tunet

    Finnmark: Ikkje kåra vinnar i 2014

    Publisert :
    Sist oppdatert :