Bedriftsutviklingsprisen i landbruket 2025

Har du starta ei vellukka og berekraftig bedrift med basis i landbrukets og bygdenes ressursar? Då kan du vinna Bedriftsutviklingsprisen 2025 og pengepremien på 300 000 kroner.
Landbruks- og matminister Geir Pollestad står oppstilt saman med Renate Lunde, Heidi Lunde, Ylva Lunde Barman og Emil Lunde Barman frå Vossabia.
Landbruks- og matminister Geir Pollestad annonserte vinnaren for 2024 og overrekte prisen til Renate Lunde, Heidi Lunde, Ylva Lunde Barman og Emil Lunde Barman i Vossabia AS.
© Landbruks- og matdepartementet

VI deler kvart år ut Bedriftsutviklingsprisen i landbruket. Det vert kåra ein vinnar i kvart fylke som får 50 000 kroner. Fylkesvinnarane deltek så i konkurransen om den nasjonale prisen på 250 000 kroner.

I fjor var det Vossabia frå Vestland som vann den nasjonale prisen. Den mottok dei i samband med mat- og landbruksmessen Internationale Grüne Woche (IGW) i Berlin. Dei to andre nominerte, som også var til stades i Berlin, var Hørte gård frå Buskerud og Til Elise Fra Marius frå Nordland.

No har du sjansen

Vi søkjer bedrifter eller personar med næringsverksemd med basis i landbrukets og bygdenes ressursar. Det er også mogleg for andre enn bedriftseigar å melde på ein kandidat til prisen.

Kandidatane vert vurdert etter følgjande kriteria:

  • Berekraft:
    • Økonomisk resultat/lønsemd
    • Sosialt som sysselsetting og ringverknader i lokalsamfunnet
    • Miljømessig som utnytting av lokale ressursar, fremme av lokal kultur og reduserte utslepp
  • Innovasjon/nyskaping

Meld deg på

Fristen for å melde seg elektronisk er dessverre ute. Ta kontakt med regionkontoret ditt for å undersøkje om det framleis er mogleg å melde seg som kandidat.

Fakta om bedriftsutviklingsprisen i landbruket
  • Innovasjon Noreg delar kvart år ut Bedriftsutviklingsprisen i landbruket på oppdrag frå Landbruks- og matdepartementet.
  • Bedriftsutviklingsprisen i landbruket er ein bedrifts- og næringsutviklingspris for etablerarar av vellukka bedrift eller næring med basis i landbrukets og bygdenes ressursar.
  • Det vert kåra ein vinner i kvart fylke der prisen er på 50 000 kroner
  • Dei fylkesvise vinnarane kjempar om den nasjonale prisen på 250 000 kroner.
  • Det vert nominert tre kandidatar til den nasjonale prisen som blir invitert til prisutdeling i samband med Internationale Grüne Woche i Berlin 15. januar 2026.
Tidlegare nasjonale vinnarar

2024 Vossabia, Voss. Hud- og hårpleieprodukt med honning, bivoks og ville urter.
2023 Holli Mølle, Spydeberg. Foredler økologisk korn.

2022 Den Sorte Havre, Viken. Dyrking og produksjon av produkter med svarthavre.

2021 Øyna Kulturlandskapshotell, Inderøya. Bærekraftig hotell bygget inn i bakken.

2020 Jentene på Tunet, Selbu. Produksjon av håndlagde sjokoladeprodukter.

2019 Grønn Gjødsel AS, Rakkestad. Produksjon av organisk hønsegjødsel.

2018 ASK gård, Buskerud. Økologiske spekeprodukter.

2017 Bjertnæs og Hoel, Nøtterøy. Frilandsgartneriet.

2016 Johan Fredrik Bråstad Kristiansen, Aust-Agder. Produksjon av blomster.

2015 Tor Oxhovd Svalesen, Oppland. Produksjon av bioenergi.

2014 Rørosmat, Sør-Trøndelag. Merkevarebygging og salsselskap lokalmat.

2013 Moer gård og Norwegian Antibodies AS, Akershus. Produksjon av egg og antistoff frå egg.

2012 Hillestad Gård, Aust Agder. Feriesenter, smykkeproduksjon og galleri.

2011 Haaheim Gaard, Hordaland. Gardsrestaurant med høg kvalitet på mat og servering, kulturarrangement m.v.

2010 Bakeriet i Lom, Oppland. Handverksbakeri basert på lokale råvarer.

2009 Edel Design AS, Hedmark. Design og produksjon (på gardsbruket i Ringsaker) av norsk klesmerke i reine naturmaterialar.

2008 Ingrid Lekve og Jon Karlsen, Hedmark. Allsidig med sauehald, foredling og omsetning av lam, Inn på tunet ”Levande læring”, Grønn trapp m.v.

2007 Lofotlam, Nordland. Merkevareprodukta Lofotlam.

2006 Norsk Matraps, Østfold. Matrapsolja Odelia.

2005 Den Gyldne Omvei, Nord-Trøndelag. Felles marknadsføring og profilering av "omvegen" som merkevare på ein heilskapleg måte med omsyn til natur, kultur og kvalitet.

2004 Line Bergsund og Trond Andersen, Buskerud. Trening av travhest. Årets travtrenar 2004.

2003 Pruglhei gård, Nordland. Slakteri, matforedling, servering, gardsbutikk.

2002 Steindal Gård, Rogaland. Grøn omsorg, bl.a. bu- og arbeistrening for psykiatriske pasientar.

2001 Gangstad Gårdsysteri, Nord-Trøndelag. Produksjon av camembert, muggost, salatost og konfektost.

2000 Solem Sag ANS, Møre og Romsdal. Utnytting av nordmørsfurua til spesialprodukt. Lafteplank, spesialdimensjonar, villmarkspanel, dekksplank og møbelemne av gråor.

1999 Fausko gard og skysstasjon, Buskerud. Gard med økologisk drift og nyrestaurert skysstasjon. Kurs- og konferanse­marknaden med opplevingar og matkultur.

1998 Aron Mat, Troms. Foredling av kjøtt. Seinare deltakar i eksportframstøyt av fenalår til Italia.

1997 Ivar Løne, Hordaland. Foredling av smalahove og serveringsverksemd der kulturoppleving, smalahove og vossaøl er berande element.

Publisert 18. mai 2021Sist endret 5. sep. 2025